|
|
|
 |
|
|
|
|||||||
| التعليمـــات | القوانين | التقويم | مواضيع لم يتم الرد عليها | البحث | مشاركات اليوم | اجعل كافة الأقسام مقروءة | التسجيل |
| منتدى النكت والطرائف فسحة لإدخال البسمة والسرور على النفوس |
 |
|
|
أدوات الموضوع |
|
#1
11-06-2011, 01:31 AM
|
||||
|
||||
::..أنــــا وأنتــــم والأركيلـــــــة..::
::سلامــــــــــــــــــــــــــات:: منبلش:لأني شفت وصف هالقسم الترفيهي (فسحة لإدخال البسمة والسرور على النفوس) حبيت شارك بموضوع حصري....  بداية يحضرني قول الشاعر الكبير: الدالي الموسيقار بيعزف أركيلة وفحم ونار.... وكما قال احدى الحكماء : لا تؤرجل عمل اليوم الى الغد .... ومتل ما منعرف جميعا الأركيلة مزاجاً ,إذا أعددتهاا أركلت نفساً طيب الأمخاخ نبدأ بالمكونات: معسل ...فحم...قصدير...بالاضافة للأركيلة: هدول بخولولك لصنع نفس أركيلة وبعدها ببلش الإحتراف بالموضوع للوصول لنفَس مرضي يلبي الشخص المؤركل..  أنواع الأراكيل: أفضل الأنواع هو النحاس..وفي بالسوق الأركيلة المصرية والتونسية.. والنصيحة هي أركيلة نوع خليل مأمون لأنها أثبتت جدارتها...بالاضافة للبربيش من نفس الماركة(سعرو 350 لير)...بيعطي للأركيلة وزن وشغل أكابر..اما ما تبقى فهو تمشاية حال(لا يدوم طويلاً) أنواع المعسل: النخلة: وهو من أفضل أنواع المعسل الفاخر: يعتبر درجة تانية رغم أنو أغلى من النخلة الدمشقي: أسوء الأنواع يوجد أيضاً معسل شبابلك ومعسل خلطة أبو الهثم..وخلطة الكيف..ومعسل الأسرة ..والواحة..موج البحر...والشرق الأوسط.. يعتبر الشرق الأوسط من أفخر الأنواع لكن وجوده قليل ودائما بكون توصاية من الأردن الشقيقة..  النكهات: التفاحتين(وهو الشائع)...الفريز...فخفخينا..عنب..برتقال ..نعناع...زغلول(السلوم)..شمام..ألخ...  الفحم: يوجد ثلاث أنواع: طبيعي..صناعي..الفحم الفضي.. بالنسبة للطبيعي احسن شي هو السنديان..وبالنسبة للصناعي أفضل نوع هو جلنار..يليه شيخ الفحم..ومن ثم أبو العبد..أما بالنسبة للفضي فهو سيء جدا ويقضي على النكهة ...لذلك ينصح بالابتعاد عنه نهائياً... القصدير(السلفان): وهو أنواع..سميك..متوسط..رقيق...والأفضل هو الرقيق للحصول على نتائج مرضية من خلال وضع قطع فحم صغيرة جدا فوقه..ورح نحكي لاحقاً عن طرق وضع القصدير.. شائعات في استخدام الأركيلة:  في عالم بتحط كولا بدلاً من الماء أو مشروبات تانية وهالشي غلط لنو الماء أفضل شي...وفي البعض بحطو مع النفس حب ونكهات ومدري شو..وهالشي غلط...وفي بعض المبتدئين كمان بحطو قصديرتين فوق بعض مشان ما ينحرق النفس وبزودوا الفحم..يعني رجعت الشغلة نفس الشي.. كمان في نقطة وهي السحب( الشفط) لازم يكون برفق لنو الأركيلة الها مشاعر أيضاً..إذا سحبت بقوة بينحرق النفس وهالشي يؤي لجرح شعورها(ولي على ألبي أنا) في عالم بتحب تشرب اركيلة كرمال الدخنة ... انو انااا عم طالع دخنة متل القطااار .. هدول في الهن معسل .. بدون طعمة .. حق الباكيت 40 ليرة ..وهو معسل فقط دخنة بدون طعمة.. امااا بالنسبة لرؤوس الأركيلة( الفخارة ) الراس الحديد غير جيد لانو بياخد حرارة بسرعة .. والفخاار احسن شي..بالنسبة للتعامل مع الراس: بعد ما يخلص الواحد من الاركيلة لا ينصح بغسل رأس الفخار لانو الفخااار مع الوقت بصير يمرمر وبينتزع .. وبصير ينقط منو مي مشان هيك لازم الواحد يمسح الراس بمحرمة او شقفة قطن او اي شي .. بس المهم ما يقربو على المي... مننتقل للقصدير (لسلفانة) الهاااا فن يعني ما لازم تنحط على الوجه اللميع ..يعني الوجه اللميع لازم يكون لجوى والمت لازم يكون لبرى لانو الوجه اللميع بيلقط حرارة اكتر من الوجه المت .. وهاااد الشي بيلاحظوا الصبايا وهنن عند الكوافير لمى يكونوا عم يعملو ميش لشعرون .. بانو الكوافير بلف الشعر بالسلفااان وبخلي الوجه اللميع لبرى لانو بيلقط حرارة اكتر  كيفية صنع نفس أركيلة احترافي: الأركيلة الها أصول مو شلون ما كان بتتساوى .. بالمختصر(لائحة العقاقير لا تصنع طبيباً): أركيلة ممتازة مع وجود معسل النخلة تفاحتين وفحم جلنار وقصدير رقيق.. نقوم بوضع ماء مع ثلج (إن وجد) بالزجاجة ونقوم بفت الرأس حبة حبة ومن ثم نضع السلفانة بالشكل المناسب وبعد التغليف نقوم بنفخ الرأس ومن ثم تثقيبها برفق وليس عشوائياً..وهذا كفيل بالحصول على أفضل نتيجة..وصحة وهنا... مرفقات مع الأركيلة: متة أو شاي أو كمون إلخ...حسب الميول ....أغاني تناسب الطقس المناسب كالأغاني الشعبية الجميلة وليست الهابطة...  اما للأغاني القديمة (أم كلثوم مثلاً) أنصح بنفس فريز لأنو الهدوء يحتاج هدوء مرافق ومتل ما منعرف الفريز خفيف وبيطالع دخان كثيف..  أجواء الأركيلة: عند الماء تطيب الأركيلة ولا مشكلة إذا كانت يومية..أما في وقت الظهيرة في الصيف فلا ينصح بها إلا عند الضرورة بوجود مكيف طبعاً..ولا ينصح بتغشل المروحة السقفية لنها تقضي على النفس نهائياً.. بالنسبة للسيران فالأركيلة ألها نكهة مميزة أثناء الشوي وبعد الشوي أيضاً.. وخصوصا مع الطبيعة الخلابة..وإن وجد مجرى ماء أو شلال..فهذا شعور بالنكهة لا يمكن وصفه...  كيف تصبح مؤركلاً: لتصبح مؤركل محترف يجب عليك الإنتساب لجمهورية(( أركليليا)) وشورط الإنتساب هي: 1- الحصول على أركيلة مناسبة.. 2: صورة عن باكيت معسل النخلة.. 3: طابع الفحم الاحمر(جلنار حصراً)... 4: الحصول على الرواية الخاصة بالجمهورية..(أركيلة تستحق الرأفة) 5: أن يوجد لك صديق مؤركل لتتخذه نديم في الأركيلة.. 6: ان تشجع فريق أركلونا الدولي لكرة القدم... أكتفي بهذا القدر لأنو الحديث ما بيخلص أبداً والأركيلة علم لا يمكن اتقانه بسهوله ...وللعلم من اخترع الأركيلة هو تركي الاصل واسمه طهماز ..منشوفو على بعض الزجاجات(يلي الو شوارب مفتّلة)... والآن: أترككم مع بعض الأقوال في الأركيلة: اطلب المعسل واسهر الليالي...فإن الاركيلة من شيم الرجالِ قربا مربط الاركيلة مني فان كل شفطة منها تردي حيااتي أنت تؤركل, أذاً أنت موجود جنة المؤركلين الصغار منااازلهم اعطني اركيلتي اطلق يديا .. أركل عليها تنجلي الأركيلة التي تبقبق في يميننا تهز العالم في يسارها أركيلتي قد لا تكونين أخر الملذات لكنك بالتأكيد أميزهم  :::::::::::::::::::::::::: حاسس حالي مو ان بهالموضوع....مغير لوك ليوم..ههههههه  والكل رح يقول مهووس بالأركيلة: بس هالشي عندي طبيعي مجرد اعجاب فيها مو اكتر ويومياً الأركيلة ما بتاخد من وقتي أكتر من 20 دقيقة وكل أسبوع حفلة تنظيف لمدة ساعة من خلال ادوات خاصة فيها.. وبالنسبة لعروستي وللي ما بيعرفها رح عرفو عليها: .gif "Kwales(96)")  :::جميع الحقوق محفوظة::: لكـــــــــــــــم أنفاس أركيلتي... ::الدالي:: ::>>HkJJJJh ,HkjJJJJl ,hgHv;dgJJJJJJJm>>:: 
|
|
11-06-2011, 02:19 AM
|
رقم المشاركة : [2] |
|
عضو متألق
 
|
ولي شو هاد ... حرام ما تصحلي شي أركيلة مصرية .... لك على سيرة الأركية ... موضوع مفيد لصحابين الأراكيل ... شكرا لك الدالي و بارك الله فيك تقبل مروري بود |
|
|
|
11-06-2011, 02:38 AM
|
رقم المشاركة : [3] |
|
عضو موقوف
|
هههههههههههههههه .. شبدك بالحكي حلو الروااااااااء ...
حياك يل دالي نشالله عطول رايئ .. زيـــــــــــــــــــــــــــــــــــد |
|
|
|
11-06-2011, 04:00 AM
|
رقم المشاركة : [4] |
|
أبو طلال
 
|
هادا الحكي اللي عليه علامات
اصلا هادا هو المفيد هالايام وأركل عليها تنجلي |
|
|
|
|
|
|
11-06-2011, 08:26 AM
|
رقم المشاركة : [5] |
|
عضو متميز
|
هههه
أركيلة ما بحبا بنوب |
|
|
|
11-06-2011, 10:04 AM
|
رقم المشاركة : [6] |
|
عضو شرف
|
ياسلام على ريحة المعسل
لما يفوح وتعبق به الحارة في فترة الغروب ومابعد وقدامك طربيزة عليها ماعليها الدالي شكرا أخي الكريم |
|
|
|
11-06-2011, 10:50 AM
|
رقم المشاركة : [7] |
|
عضو فعّال جداً
 
|
والعياذ بالله شو هالموضوع العجيب كم سيئة رح تتجمع فوقك من ورا هالموضوع كل سيئة بوزن الأركيلة اللي رح يشتروها تلاميذك أو بوزن النفس اللي رح ياخدو طلابك أو بسعر المعسل اللي رح يبتاعو أصحابك
وحاسة انيك عمتحكي على بابا بالتفصيل الممل عفكرة هالموضوع معاكس تماما لموضوع انا كاتبتو موجود بمنتدى النقاشات اسمو( أكيد أغلبكون هيك بس هون المشكلة ) |
|
|
|
11-06-2011, 10:50 AM
|
رقم المشاركة : [8] |
|
عضو شرف
|
للأسف ما بأرجل
......... |
|
|
|
12-06-2011, 12:47 AM
|
رقم المشاركة : [9] |
|
مشرفــــــــــة
|
ييييييييييييييييي
كلها على بعضها ما بطيئها |
|
|
|
15-06-2011, 03:35 AM
|
رقم المشاركة : [10] |
|
عضو متقدم
 
|
والله يا أبو شريك شهتني أجرب الاركيلة . وهيك اروق متلك وأعيش أحاسيسك .بس ياريت تقلي طريقة التحول من الدخان للأركيلة .لاني مليت من الدخان وحابب اروق أكتر .
ويعطيك ألف عافية عالمعلومات الحلوة والمفيدة . |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| طبعي أنــــا وطبعه هو | LOLIA | ركن النقاشات الجادة و الهادفة | 22 | 12-10-2010 08:57 AM |
