Untitled Document
منتديات آيـــــــــــــــــــــــــــة
Loading

العودة   منتديات آيـــــــــــــــــــــــــــة > المنتديات العامة > ركن الحكايا و القصص القصيرة

ركن الحكايا و القصص القصيرة قصص و حكايا فيها العبرة والفائدة

أخر المواضيع

إضافة رد
 
أدوات الموضوع
  #1  
قديم 10-01-2011, 06:36 PM Ahmad_Ayub غير متواجد حالياً
الصورة الرمزية Ahmad_Ayub
Ahmad_Ayub 
عضو شرف
 



افتراضي خطبة على المضة الحمصية الثامن والتاسع

انشر الموضوع
حست نور نوعا ما بالراحة النفسية بعد حفلة الخطبة بعد ما نقصت عشرة

كيلو و كانت عما تتصارع جواها مشاعر كتيرة من قلق وخوف من الأرتباط

لأخر عمرها بشخص بتعرفه للمرة الأولى وبنفس الوقت حاسة الدنيا مو

سايعتها من الفرحة وهي لابسة خاتم الخطبة ...وبتحس لما بتكون مع

أحمد أنها على راحتها وطبيعتها وبتحكي معه متل صديق وبتتناقش معه بأي

شيء بيصادفهم وبتاخد رأيه بشؤونها.وطول اليوم بيرنوا بالموبايل وبيبعتوا

مسجات لبعضهم.شعور جميل ان يكون الك صديق وحبيب في حياتك تتبادل

معه الأخبار والأوجاع والضحكات

كان بيضايقها غيرته الشديدة عليها وبتخاف أنه هالغيرة تنقلب لشيء

عكسي بعد الزواج....فلما بيمشي معها بالشارع بتلاقي عيونه طايرة كأنها

أول مرة بتمشي وهو بيقولها ديري بالك ما حدا يمر من جنبك ...عطيه طريق

للشب ...ماتخليله مجال يطحش من جنبك....

مرة طلعت مشوار هي وياه على جامعتها ليجيبوا شوية أوراق

لازمتلها ....فدخلوا لأحد الكافتريات اللي كانت نور معتادة تقعد مع رفقاتها

فيها بين المحاضرات ...فسلم صاحب الكافتريا عليهم وقلها "مبروك نور"

وبعدها قعدوا وحست أحمد عما يفو ر ويغلي

-منين بيعرف أسمك

-كان بيسجل طلباتنا بالكافتريا على دفتر الحساب كل واحدة حساب طلباتها

جنب أسمها ونحاسبه بأخر اليوم لما نخلص محاضرات

-وليش ما بتحاسبي رأسا

- هيك كانت العادة ليش شو فيها

-يا سلام بكرة كمان بياع الفول بيقولك كمان مبروك نور

أغتاظت نور منه وعصبت وقالتلوه:

-ليش شو شايفني بمشي مع كل واحد شوي بعدين صاحب الكافتريا

شخص متعلم متلو متلك مهندس وفهمان

-هلأ عما تساوي بيني وبينه ....منين عرف أنك أنخطبتي أصلا حتى يباركلك

- ما عما ساوي بيناتكم ...بعدين شبو واذا يعني ...ممكن لما شافني معك

عرف أني أنخطبت لأني بالأصل مو بحكي مع شباب بالجامعة

-أنت عما تقولي متلو متلك...كيف بتنفهم هي

-قوم بدي أمشي راسي واجعني...

وطلع أحمد ونور بالسيارة بدون ما يحكوا ولا كلمة لحتى وصلوا لبيتها....

وقررت نور تعاقبوه وما تقولوه فوت لعندهم....

بس كانت دعوة أمها لنور لدخول البيت هي وسيلة الأنقاذ لأحمد لحتى

يصالح نور و يخفف من حدة التوتر بينه وبينها.

حاول أحمد يشرح وجهة نظره لنور وأنه بيغار عليها ...وبعد نص ساعة من

الكلام المعسول رجعت الأمور لمجاريها بيناتهم

دخل والد نور يسلم على أحمد وتسايروا بأمور كتيرة لبين ما ساعدت نور

أمها وحطوا الغدا...وبطبيعة أحمد الدبلوماسية مدح حماته ونور بنفس الوقت

وأعجابه بأكل حماته الرائع ولمسات نور بترتيب طاولة الأكل.

وبعد الغدا فتح أحمد موضوع الزواج مع عمه و قلوه:

- عمي حابب نعجل شوي بموضوع العرس إذا ما عندك مانع

- شو عمي ليش مستعجل ما صارلكن شهرين خاطبين...ما على أساس

الوالد قلي انه بدك تتجوز بعد ما تخلص هي السنة من الأختصاص

-مافي مشكلة عمي ...أنا حابب يكون العرس قريب

-والله يا عمي ما بعرف شو بدي قلك الشغلة ما بتصير هيك...ما بدك تستأجر

بيت وتفرشوه ....ما بدك تعرف كيف وضعك بشغلك ...وبعديا أحنا كمان بدنا

وقت لنحضر حالنا ونجهز

-عمي أنت وافق وما بنحدد يوم العرس لنكون خلصنا كل شيء علينا

وبالنسبة لشغلي ...الحمد لله أنا قادر أفتح بيت ...وممكن سافر 3 أيام على

الشام وأرجع لحمص أنا حكيت مع نور عن هالشي وما عندها مانع ما بعرف

إذا كان عندك رأي تاني عمي

-خير عمي الله يقدم يلي فيه الخير

-سألته أم نور : وين ناوي تاخد البيت

-والله لسه مابعرف لنشوف البيوت وأسعارها

وبدون ما تتطلع لجوزها يلي كان عما يزورها لتسكت بدون ما ينتبه أحمد

كملت حكيها:

جارتنا فوق بيتها فضي عما تأجره بخم وعشرين ألف بالشهر تلت غرف

وصالون ومطبخ كبير شرح شوفوا بركي بيظبط

-ان شاء الله بشوف البيت وبنقرر....عمي من بعد أذنك حابب أتعشى بكرة

أنا ونور برة اذا ما كان عندك مانع

- طيب عمي بس ما تتأخروا ساعة بس

-عمي شو ساعة ما بيلحقوا يجيبوا الأكل يلي بدنا نطلبه

- ضحك أبو نور وقلو طيب ساعتين مناح بتتعشوا وبترجعوا

وهيك أخد أحمد موافقة عمه على أول عزيمة بيعزمها لنور لوحدهم برة


صارت الساعة تماني بليل وجهزت نور حالها لتروح مع أحمد ليتعشوا سوا

لأول مرة بالمطعم..وكالعادة نط قلبها وقت رن أحمد الجرس..وطارت على

السريع لتفتحله الباب

-أهلا وسهلا

- السلام عليكم...مية أهلين بأم النور

-وعليكم السلام أحمد

-تفضل ... عما يستنوك لنشرب القهوة سوا ..تفضل

-شو هالحلو نور ما يبلا

وأبتسمت نور بخجل وقالتله :عيونك الحلوة

سلم أحمد على أبو نور وأمها ..وراحت نور تعمل القهوة

-كيفك عمي ..كيف شغلك

-الحمد لله ..الشغل تمام وأخر هاد الشهر بقدم فحص الأختصاص وطلعلي

معيدية بالجامعة

-ألف مبروك عمي ...والله بتستاهلها

-أم نور:مبروك أحمد

-شكرا مرة عمو الله يبارك فيكي عقبال الشباب تفرحوا فيهم

-أم نور:أيه أحمد شو عملتوا مشان البيت ؟.

-والله حطيت أخبار بكذا مكتب عقاري وعما شوف بالوسيلة بس الأيجارات

بالنار..أقل بيت بعشرين ألف.

-شوفت بيت جارتي يلي قلتلك عليه.

-أيه أتصلت فيها وشفته البيت كبير كتير علينا اربع غرف وصالون ..غير أنه

طالبة فيه خمسة وعشرين ألف..غالي كتير ..أتصل المكتب قبل ما أطلع

وقلي في بيت بأول بابا عمر و بيت بالوعر بكرة بروح بشوفهم...يالله

تسمحولنا نمشي عمي.

-وين بدكن تتعشوا عمي بالسفير.

نطت نور لالا لاء شو بالسفير توبة هديك المرة دلق الجرسون عليه القهوة

والله ستر ما أنحرقت..وكان أحمد راح يعلق طوشة معه بس هديته لأنه خطي

مو قاصد.

-لكن وين بدكن تروحوا بابا

-عمي من بعد أذنك حجزت طاولة بمرسيا

-أيه عمي ماشي ما تتأخروا .

وبعد ما مشيوا أحمد ونور..كانت أم نور منرفزة كتير

فسألها جوزها شوبك شو صاير لك؟؟؟

-شو ما سمعتو بدوا ياخد بيت بالوعر وبابا عمر هادا الناقص يحط بنتي بأخر الدنيا

ومستغلي بيت الجيران كمان.

-يا بنت الحلال الزلمي ما خبا علينا وضعه .. وأهله عما يساعدوه حسب

طاقتهم ...والبيت فعلا كبير عليهم...بعدين ستي حمص كلها قد اللقمة بنص

ساعة بتفتليها..وبعدين شو نسيتي وقت خطبتك الله وكيلك أدينت حق

الخواتم وما حدا ساعدني بجوازتي وهي الله فتح علينا ورزقنا ..

وبعدين أحمد شب ذكي ومستقبله قدامه يعني شوفي كرم الله طلعتله

المعيدية بالجامعة وبكرة بيبعتوه بعثة لبرة يكمل دراسة وياخد دكتوراة وبيرجع

للبلد وبيتعين دكتور بالجامعة وبيفتح عيادة ..ما أحسن ما يتغرب وما نعرف أيمتى بدهم يرجعوا ...قومي يلا لبسي

لنطلع نتمشى الطقس حلو برة ..يلا لبسي بسرعة عما أستناكي.

بها الأثناء طلع أحمد ونور سوا وراحوا ليركبوا السيارة وفتح أحمد قفل الباب

الأمامي لنور بالمفتاح وقلها تفضلي ومشي جهة باب مقعده...أنحرت نور

كتير لأنه توقعت راح يفتحلها الباب يستناها لتفوت متل ما كانت تشوف

خطيب جارتهم بيعمل معها من البلكون..وقعدت ساكتة بدون ما تحكي ولا

حرف.

-شو نور شبك؟؟

-مافي شي

-مافي شي.. هلأ كنتي عين الله عليكي مضايقة من شي

-الصراحة مضايقة منك

-أوف ليش شو عملت

-مو بستاهل تستناني لأركب السيارة تركتني ورحت على السريع لتركب.

-كيف هي فتحتلك الباب وقلتلك أتفضلي..شوفي نور أنا ما بحب المظاهر..

أنا عما أتعامل معك على طبيعتي...ومو بلاقيها حلوة أفتحلك الاب وأستناكي

لتفوتي وأقفله وراكي أنت بترضيها..وبعدين أنا رحت لشغل السيارة وكون جنبك.. أنت قيمتك أكبر عندي من هيك والله مو حكي وبكرة الأيام بتثبتلك ها الشي ...فهمتي عليه أم النور

-ضحكت نور ..أيه فهمت أحمد أفندي

-أيه ها وين خبيتي ها الضحكة؟؟؟دخيل رب الرايقين.

ووصل أحمد ونور على مرسيا ودخلوا المطعم وسأل أحمد عن الطاولة يلي

حجزها

خلينا نشوف شو بدوا يصير بالمطعم معهم

o'fm ugn hglqm hgplwdm hgehlk ,hgjhsu hgehlk hgplwdm o'fm

من مواضيعي فوائد الزنجبيل كمشروب . الزنجبيل . معلومات عن الزنجبيل
مبـــــــــــــــارك اعضاء الشــــرف والثقــــة
))) كيف تجعل شخص يحبك (((
))) كلام جميل و كلام حب بالصور (((
نيمار مناسب لبرشلونة أكثر من الريال
هل القلب قادر على نسيان جراحه ؟؟؟
قصة حب..................................
رد مع اقتباس
قديم 11-01-2011, 08:09 PM   علائووو غير متواجد حالياً   رقم المشاركة : [4]
علائووو
عضو متميز
الصورة الرمزية علائووو
 


علائووو has a reputation beyond repute علائووو has a reputation beyond repute علائووو has a reputation beyond repute علائووو has a reputation beyond repute علائووو has a reputation beyond repute علائووو has a reputation beyond repute علائووو has a reputation beyond repute علائووو has a reputation beyond repute علائووو has a reputation beyond repute علائووو has a reputation beyond repute علائووو has a reputation beyond repute
افتراضي

ايوب شورايك اتسويه مسلسل مكسيكي ههههههه
لروح على الجزء اللي بعدو يلا سلام


من مواضيعي هل تعلم ان صورة علم اسرائيل موجودة على جهازك
فطائر بالباشميل
سبحان الله..الذي جمع رعب الطبيعه مع جمالها
الباص الاكثر غرابة
لحظة جنون
قصة رائعة
أرحلي ياذكريات
    رد مع اقتباس
إضافة رد

مواقع النشر (المفضلة)

الكلمات الدلالية (Tags)
المضة , الثامن , الحمصية , خطبة , والتاسع


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
خطبة على الموضة الحمصية المشهد الأول Ahmad_Ayub ركن الحكايا و القصص القصيرة 10 09-02-2011 03:28 AM
خطبة على الموضة الحمصية السادس والسابع معا Ahmad_Ayub ركن الحكايا و القصص القصيرة 3 15-01-2011 06:36 PM
خطبة على الموضة الحمصية المشهد الرابع والخامس معا Ahmad_Ayub ركن الحكايا و القصص القصيرة 4 08-01-2011 09:43 PM
خطبة على الموضة الحمصية Ahmad_Ayub ركن الحكايا و القصص القصيرة 5 08-01-2011 09:34 PM
المافيا الحمصية West Life منتدى النكت والطرائف 29 24-12-2009 06:49 PM


الساعة الآن 07:30 PM.


Powered by vBulletin® Copyright ©2000 - 2009, Jelsoft Enterprises Ltd.
الآراء الواردة في المنتدى هي آراء الكاتب ولا تعكس بالضرورة رأي المنتدى ..... مزود الانترنت آيـة ../ 2011/