Untitled Document
منتديات آيـــــــــــــــــــــــــــة
Loading

العودة   منتديات آيـــــــــــــــــــــــــــة > المنتديات الأدبية والثقافية > ركن القصص والروايات الأدبية

ركن القصص والروايات الأدبية دع العنان لقلمك وأبهرنا بما يدور بخيالك من نسج خيالك المبدع

أخر المواضيع

إضافة رد
 
أدوات الموضوع
  #1  
قديم 22-08-2015, 07:01 PM عطر المطر غير متواجد حالياً
الصورة الرمزية عطر المطر
عطر المطر 
مشرفــــــــــــــــة
 



7asri10 قلم من حلب ..Ricardo Bassous للعالم (مقالات وقصص وخواطر)

انشر الموضوع


Ricardo Bassous

قلم ..يستحق الاهتمام

وعقل يستحق الاحترام ..وبقعة من الضوء بحجم الابداع الذي نفتقد ..والصدق الذي يتلاشى ..

(مجموعة مقالات وقصص وخواطر ) قد تحكي عنك أو عنه أو عنّا جميعاً وقد تؤرخ وطناََ..بأحلامه وألامه ..!



وقد نضحك منها أو علينا ..ثم ننصت لبكاءنا ونعلن الحدادعلى انسانيتنا ..أو ...

نعلن القيامة...!



بتمنى تعجبكم ..



القصةالأولى....-(( الموت بالحالتين ))

جنوب غربي فرنسا ..
العام 1430
تجمع كبير من العالم جنب احد الشواطئ بحيرة نائية
غضب عارم و توتر رهيب مسيطر عالجو ،
الكل على اعصابو و العيون كلها على سطح المي
عميتنظرو شي ..
كاهن اصلع ضخم واقف على منصة عالية ،

عميقرا بعض التهم الموجهة لمتهم معين و العقاب المناسب لهذه التهم
و عيونو هو كمان موجهة عسطح البحيرة الراكد

كومة قش مجمعة عطرف الشاطئ على شكل محرقة

و جنبها واقف الجلاد بقناعو الاسود المخيف و ماسك مشعل

و من تحت القناع الاسود ، عيونو كانت موجهة لسطح البحيرة متل كل الناس المتجمعين
كل شوي بتطلع فقاعة لسطح المي
و الناس تشهق و تصرخ و تتحمس
تحت سطح المي

كانت عمتقاوم الغرق

صبية صغيرة عيونا جاحظة و شعرا الاسود الفاحم مبعثر بكل مكان و هي عمتتحرك متل المجنونة
عمتحاول تفك اجريا من الصخرة التقيلة المربوطة فيون

الصخرة يلي عمتسحبا للقعر بسرعة ثابتة
و كل شوي تفتح تما و تبلع شوية مي و تطلع منها فقاعة هوا
فقاعة تتجه للسطح ، و و تجنن و تزيد توتر العالم المجمعة يلي ما عمتشوف شي من معركة المقوامة العنيفة في الاعماق

باختصار : ضحية محكمة تفتيش

محاكم التفتيش في العصور الوسطى ، للقضاء على المهرطقين المشعوذين و السحرة و اعداء الكنيسة
ساحرة
كلمة الساحرة .. كانت تلقي الرعب باقوى القلوب بهديك الحقبة
ليس خوفا من الساحرة و السحر طبعا
و لكن من رد فعل الكنيسة في حال شكت باي شخص بمارسة السحر
المتهمة بالسحر ، هي عبارة عن جثة متحركة عمتنتظر انو تموت
ما في اي منفذ من المحرقة
و للتاكد من التهمة ، كانت يتبعو طريقة كتير عبقرية بساديتا
كانت يربطو اجريين المتهمة بكومة صخور و يشلفوا بالمي
اذا غرقت .. يعني ما هي ساحرة .. مظلومة و ماتت بالغلط
و اذا قدرت تطوف رغم الصخور التقيلة .. يعني ساحرة ..
و اذا ساحرة ...بيقتلوا ..
منرجع لصديقتنا تحت سطح المي
عيونا مصعوقين .. من ضغط المي .. او من صدمة الاتهام
انو كيف يعني ساحرة ؟؟ كيف ممكن العالم يقتنع بهيك تهمة و هيك اسلوب و عقاب ؟
بس الارض كانت لسا بحاجة لعشرات السنين لتستوعب هالشي
اجريا عميتحركو متل المسعورة
لبين ما ارتخت الحبلة ، و اتخلصت من الحجارة
و اتجهت متل السهم لسطح المي
و طالعت راسا .. و اخدت اعمق نفس ممكن رئتينا تستوعبو
الناس ، الكاهن ، الجلاد .. كلون اخدو نفس النفس
من الانبهار و الخوف
ساحرة .. اكيد ساحرة .. كيف قدرت تطوف ؟؟
بكل برود و ثقة اتجه الجلاد و ربطها بكومة القش عطرف
و الكاهن ابتسم و نزل من المنبر بهدوء
و الناس عمتعيط و تشلف عليا اي شي وقع تحت ايدون
و الشي الوحيد يلي غطا عصراخ الجميع
صوت المظلومة و هي عمتحترق
الساحرة هي عبارة عن جثة متحركة عمتنتظر انو تموت
اذا قدرت تتخلص من الغرق .. مصيرها المحرقة
الموت بالحالتين
استمر صيد الساحرات لعشرات السنين
العام : بعد اكثر من خمس قرون .. بعيدا عن ال 1400
المكان : احد اقبية التعذيب .. بعيدا عن فرنسا ...
صوات الصريخ طالعة من الغرف الموزعة بالقبو
المتهمة مربوطة من اجريا عكرسي..

مسؤول القبو واقف عميصرخ و يحط التهم قداما مشان تعترف
جلاد نازل فيا ضرب و تعذيب باكثر الوسائل سادية و خيال
و هي على شفير الموت

كانت جاهزة لتعترف باي شي
عاملتو او مو عاملتا ما بيهم
كيف ممكن الدنيا تكون مقتنعة بهيك تهمة و هيك اسلوب و عقاب ؟

بس الارض شكلها مازالت بحاجة لعشرات السنين لتستوعب هالشي
اعترفت
اعترفت باي شي بدون يا
بغض النظر شو كان او اذا كان تهمة اساساً
مسؤول القبو ابتسم و طلع من الغرفة و سكر الباب عمهل
و صار يتمشى برواق القبو
و صوات صريخ المعتقلين عمتطلع من كل الغرف على طرفي الرواق
و الشي الوحيد يلي غطا عصريخ الكل
هو صريخ الساحرة يلي اعترفت و هي عمتنال عقابا و تنضرب لحتى تموت
الساحرة هي عبارة عن جثة متحركة عمتنتظر انو تموت
اذا قدرت تتخلص من التحقيق .. مصيرها التعذيب حتى الموت
الموت بالحالتين
استمر صيد الساحرات لعشرات السنين
و مازال الصيد مستمراً




..Ricardo Bassous للعالم (مقالات وقصص

rgl lk pgf >>Ricardo Bassous gguhgl (lrhghj ,rww ,o,h'v)

من مواضيعي قلم من حلب ..Ricardo Bassous للعالم (مقالات وقصص وخواطر)
لاتنسي..بصمتك..&
أختياراتك والألوان ...أثاث ..ألبسة و كل شيء حولك ..&
ربك ظالم أو عادل ..؟ (قصة فقط يءخذ بها لحسن الظن بالله )
أفضل الطرق للتعامل مع الرجل ..
جددي ديكور منزلك ...بخطوة واحدة ..؟
جمعة مباركة ..**
رد مع اقتباس
قديم 26-08-2015, 02:16 AM   عطر المطر غير متواجد حالياً   رقم المشاركة : [3]
عطر المطر
مشرفــــــــــــــــة
الصورة الرمزية عطر المطر
 


عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute
Rose

اقتباس:
المشاركة الأصلية كتبت بواسطة a7la roro مشاهدة المشاركة
وما زال الصيد مستمراً !!
لوقتنا الحآلي .. صيآدين بكل مكان
و الموت هه ! إجباري عالكل :(

مو معقول شو حلو هالحكي ولو إنو بالعامية
بس بالمشرمحي راائع تغريدو !!

تسلميلي لكن تابعي معنا بقيّة الخواطر وفعلاً اسلوبه ملفت وكتير قريب ..

نورتي


من مواضيعي قلم من حلب ..Ricardo Bassous للعالم (مقالات وقصص وخواطر)
لاتنسي..بصمتك..&
أختياراتك والألوان ...أثاث ..ألبسة و كل شيء حولك ..&
ربك ظالم أو عادل ..؟ (قصة فقط يءخذ بها لحسن الظن بالله )
سمراء ***
معلومات عن رضيعك ..؟؟
أنشودة بنوتاتي بمناسبة رمضان ..&
    رد مع اقتباس
قديم 26-08-2015, 02:17 AM   عطر المطر غير متواجد حالياً   رقم المشاركة : [4]
عطر المطر
مشرفــــــــــــــــة
الصورة الرمزية عطر المطر
 


عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute
14

ودعنا الكل
بعد انعدام الاستقرار الوهمي يلي كنا عايشينو
اتخذنا القرار الحاسم ..
و بعد الدموع و الوعود .. تركنا البلد
سافرنا انا و احد اعز اصدقائي
تاركين ورانا عالم ..
عالم عمتحكي عن وداع جديد .. عمتحكي انو مين بقي بالبلد ؟
عالم عمتتسأل .. " عجب صار لازم نسافر نحن كمان ؟؟ "
و صرنا نحن مجرد صور بسهرة وداع
صور ببعض الموبايلات و اللابتوبات
صور رح تقدم مع الوقت .. و رح تصير بآخر الالبوم
و بس تكتر فوقها الصور الجديدة .. و تتملى الذاكرة .. ممكن رح تنمحى ..
من ذاكرة الموبايل
من ذاكرة صاحبو

بمحطتي الاولى بالحياة و استقراري الشبه البسيط يلي عمحاول قدر الامكان اخلقو و اشعر فيو
و بعد شهرين تماما ..
صديقي يلي سافرت معو لهون .. و يلي كان كل شي بيربطني بـ " أنا " القديمة
قرر يسافر ..
كانت محطتو الحالية قصيرة ..
سهرة وداع تقليدية
و اتفقنا على امور و مخططات ما رح تتحقق بعمرها ..
و تصورنا بموبايلات احد الشباب
و راح ..
طلعت حولي بهالبلد الغريب .. مدري انا الغريب ..
هلق شو ؟
صحي انا عمبشتغل
صحي انا تعرفت ععالم جدد .. و صار عندي رفقات و حبيتون بسرعة ..
بس صار اقدم رفيق الي هون بعرفو من شهرين بالكتير ..
و صار اقدم ذكرى مشتركة هي ( بتتذكرو شو انبسطنا هداك الأحد ؟ )
ميزة هالشي انو في كتير امور نحكيا و نعملا
كتير ذكريات قديمة مختلفة نشاركا و مزحات جديدة نمزحا
و طباع جديدة نتعلما و بالمقابل صدمات جديدة ننصدم فيا
بس النقطة هي .. انو معظم هالعالم ..


عمتفكر تسافر .. بانتظار تسافر .. او رح تسافر قريبا
معظم العالم .. رح تتحول بدورها لصور بسهرة وداع باحد الموبايلات
و مع كل صورة جديدة .. الصور القديمة بتنزل لتحت ..
و كل واحد مسافر رح ياخد معو هالذكريات القصيرة يلي شاركتو فيا
و رح يصير ببلد و ببقعة مختلفة
و ذكرياتي القصيرة رح تكون مبعثرة و موزعة عالارض ..
و ذكرياتي البعيدة رح تكون مركزة بالبقعة الوحيدة بالارض يلي مستحيل كون فيا ..

صرت شوف الاستقرار بعيد و مستحيل
نحن مجرد صور باحد الموبايلات يلي بتمنى تكون ذاكرتو كبيرة

نحن شعب خلق .. مشان يضل يودع ..



من مواضيعي قلم من حلب ..Ricardo Bassous للعالم (مقالات وقصص وخواطر)
لاتنسي..بصمتك..&
أختياراتك والألوان ...أثاث ..ألبسة و كل شيء حولك ..&
ربك ظالم أو عادل ..؟ (قصة فقط يءخذ بها لحسن الظن بالله )
خمس أشياء رومانسية ..أخبري خطيبك عنها..؟؟
اسهل طريقة للمكدوس السوري ..&
اختر خاتمتك ؟؟ ...رائعة جدا...
    رد مع اقتباس
قديم 23-06-2016, 02:36 AM   عطر المطر غير متواجد حالياً   رقم المشاركة : [5]
عطر المطر
مشرفــــــــــــــــة
الصورة الرمزية عطر المطر
 


عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute عطر المطر has a reputation beyond repute
Icon11



رمضان كريم





ضرب المدفع .. و طرق معو قلبو بقوة ..
طلع لبعيد ، عالسما ، عالافق ، محل ما الناس بيروحو مشان يقتلو بعض .. ما شاف شي ..
وين نزلت هاي ؟
بعد كم ثانية بيرتفع صوت الاذان .. و ضربة تانية من مدفع الافطار
من طراف الشبابيك المفتوحة تسلل الصوت للبيوت مع النسمات الخفيفة لأول المسوية
اذان العشي .. ترافق مع شوية روايح خفيفة لكم اكلة بسيطة .. فاحت من كم بيت من البيوت القلائل البقيانة مبعثرة بالضيعة
الولاد الحفايا دخلو عالبيوت
و الصوات همدت و الضيعة راقت
هو كان بيتو عطرف الضيعة بعيد دقيقتين عن باقي البيوت
قاعد بمحلو ورا شباك المطبخ
المطبخ يلي هو غرفة القعدة يلي هي غرفة النوم
بيت صغير كتير .. بس ما بيهم .. هو لحالو صار و ما بيلزمو اكبر
و اصلا هو نادر ليتحرك من جنب هالشبّاك
بايدو يلي عمترجف من كبر السن ، ماسك سيجارة رخيصة ، محروقة عالاخر و نسيانا
واضح انو مشعولة قبل الأدان .. و السجاير التحتو عالارض بتدل انو هي مو اول سيجارة اليوم
طبيعي ما حدا يسأل عنو بهالوقت
الكل بيكون تعب من الجوع و العطش
و اخر همون ختيار مفطر
و هو اخر همو حدا يسأل عنو ، و اخر همو صيامو
من الشباك بيقدر يشوف الطريق الطويل و الوحيد يلي بيوصل للضيعة
الطريق يلي كانت تطلع منو الجرّارات الصبح بكير
الطريق يلي كانت ترجع فيون الخواريف و المواشي آخر المسا
الطريق يلي كان يلعبو فيو الولاد ، و يحلمو عطرافو ايمت رح يتركو الضيعة يلي كانت اصغر من احلامون
الطريق نفسو يلي كان يلعب فيو ابنو ، مع شبّين من ولاد الجيران .. ما عاد يذكر اسماؤون هلق
من الشباك نفسو كان هو يطل كل شوي يطمن عليون .. و يتأكد انو ما بعّدو و ضاعو عن عيونو
لسا رسمات طفولتن بقيانة عكم حيط
و الحجرات يلي محدّدة اطراف المرمى تبع الملعب الوهمي يلي كانو يلعبو في ، لسّا موجودة
المستودع يلي كانو يدخنو فيه بالخفية لساتو محلو ، و يمكن تحت ترابو لسا باكيتاتون مدفونة و مخباية لهلق
كل شي موجود ..
تقريبا كل شي ..
الولاد راحو ..
بيت الجيران الاول عاليمين .. معتم و فاضي و بابو مخلوع
و بيت الجيران التاني عاليسار ، صار بالارض من اكتر من سنة
هنن شباب .. و لازم يروحو
كل شب عندو على الاقل عشر اسباب منطقية ، و الف سبب غير منطقي ، مشان يروح و ينضم لباقي الشباب
لهلق بيتذكر اشكالون تلاتتون جنب بعض و هنن عميبتعدو بالطريق الطويل و كل واحد بارودتو منتصبة عكتفو بشموخ
شباب الجيران عالطراف ، و ابنو بالنص
قد ما ابتعدو بيضل بميّز ابنو ، لأنو اقصر واحد فيون .. الشبين طوال عالطراف و ابنو الناعم بالنص
الشمس ضاربة بوشون ، مخلية لونون من ورا اسود قاتم ، و عاكسة ظلالون التلاتة عالبيوت يلي تركوها
البيوت يلي تركوها مشان يدافعو عنها
البيوت يلي فضيت و ما عادت بيوت .. و ما عادت مستاهلة يتدافع عنها
ما عاد ميز كم مدفع انضرب .. و كم شيخ ادّن هالشهر .. و هو عالشباك
كل ضربة مدفع بتعصر شرايين بقلبو .. و بتقطع انفاسو فترة
- جارنا .. فوت لجوا .. ما رح تستفيد شي عالشباك .. انشالله بس يرجع اكيد رح تشوفو
- لك عيفو بحالو لا تعذب قلبك .. شو بدك فيو .. عيفو بحالو
لازم يرجعو .. منطقي يرجعو
الدنيا صيام .. و الجو عيد
يمكن مو بضيعتو .. بس هونيك محل ما راحو .. اكيد هونيك في عيد
مين بيتحارب بالعيد ؟ .. مين ممكن يقتل بشهر العيد ؟؟
اكيد رح يسمحولن يرجعو .. لازم يرجعو و لو كم يوم .. يقضو هالوقت مع اهلون .. مع البقيان من اهلون .. معو ..
ضرب المدفع .. ، طرق معو قلبو بقوة .. و انتفض
ايمت نام .. و اديش صرلو نايم
طلع عالافق برعب .. عمحل يلي بيروحو فيو الناس مشان يقتلو بعض ..
المدفع من هونيك ؟ وين نزلت القذيفة ؟
دقايق و طلع صوت الشيخ شق الليل و انتشر مع نسمات اخر الشتوية الباردة
ادان الفجر
الكل بالضيعة كان تسحّر ، و ضب كل شي ، و دخل عالنوم
كل الاضوية انطفت و البيوت يلي فيا شبابيك تسكرت
الولاد الحفايا نامو
و الصوات همدت و الضيعة غفيت
بلّش سيجارة جديدة .. و بلّش معها يوم مفطر جديد
استند عطف شباكو المكسور
عيونو عالطريق الطويل
عالشبين يلي عميبقتربو من بعيد
تيابون مشقشقة و بارودتون مايلة عضهرون و عمتتأرجح بتراخي
و القمر عاكس خيالاتون عالبيوت يلي طلعو يدافعو عنها
البيوت يلي فضيت و ما عادت بيوت .. و ما عادت مستاهلة يتدافع عنها
خيالين .. طوال .. لشبين طوال ..
مرقو من قدام شباكو .. ما طلعو بعيونو .. و كمّلو طريقون و راسون بالارض
و هو ما طلّع فيون .. و لا عرف مين هدول
اصلا هو ما سائل عحدا .. و مو ناطر من حدا يسأل عليو
وقعت سيجارتو المتآكلة من ايدو بعد ما حرقتلو اصابيعو بالمنطقة المعتادة
شعل غيرا ..
و قعد عطرف الشباك المكسور ناطر ..
بكرا العيد ..
و لازم يرجعو
رمضان كريم .. لكل اب ناطر .. و لكل ام مقهورة
و لك مين ضاعت عندو الايام .. و الاشهر .. و الاعياد .. و هو ناطر ..
رمضان كريم .. و كل عام و انو مع يلي بتحبوون .. وين ما كنتو ..





من مواضيعي قلم من حلب ..Ricardo Bassous للعالم (مقالات وقصص وخواطر)
لاتنسي..بصمتك..&
أختياراتك والألوان ...أثاث ..ألبسة و كل شيء حولك ..&
ربك ظالم أو عادل ..؟ (قصة فقط يءخذ بها لحسن الظن بالله )
عيادة أسنان بتصميم هيللو كيتي , لجعل زيارة طبيب الأسنان وقت سعيد للأطفال &&
أن تفقد عزيزاُ ***
أجمل ما طالعني هذا الصباح ..
    رد مع اقتباس
قديم 12-10-2017, 03:55 PM   Goldenstar غير متواجد حالياً   رقم المشاركة : [6]
Goldenstar
VIP
الصورة الرمزية Goldenstar
 


Goldenstar has a reputation beyond repute Goldenstar has a reputation beyond repute Goldenstar has a reputation beyond repute Goldenstar has a reputation beyond repute Goldenstar has a reputation beyond repute Goldenstar has a reputation beyond repute Goldenstar has a reputation beyond repute Goldenstar has a reputation beyond repute Goldenstar has a reputation beyond repute Goldenstar has a reputation beyond repute Goldenstar has a reputation beyond repute
افتراضي

الله عالتعبير الجميل..
الله على صورك الراااائعة سيدتي..
تفاصيل غاية في الروعة..وصف لا مثيل له..
تصوير راقي..دقيق حتى لأصغر الأشياء..
انحني احتراماً لروعاتك سيدتي..
والله اشتئنا


من مواضيعي حبيبتي محبوبتي
ستبدي لك الأيام..
واحتي الجميلة (منتدى آية)
ايمتى نتائج التاسع؟؟؟؟؟؟؟؟؟
عاشقة الورد
أقوال
مدهشات/عن علي بن ابي طالب كرم الله وجهه
    رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:17 PM.


Powered by vBulletin® Copyright ©2000 - 2009, Jelsoft Enterprises Ltd.
الآراء الواردة في المنتدى هي آراء الكاتب ولا تعكس بالضرورة رأي المنتدى ..... مزود الانترنت آيـة ../ 2011/