منتديات آيـــــــــــــــــــــــــــة

منتديات آيـــــــــــــــــــــــــــة (http://montada.aya.sy/index.php)
-   ركن النقاشات الجادة و الهادفة (http://montada.aya.sy/forumdisplay.php?f=48)
-   -   كيف متعود تمشي ؟؟ (http://montada.aya.sy/showthread.php?t=75110)

الهنوف 03-09-2011 07:38 PM

كيف متعود تمشي ؟؟
 
متعودين بحياتنا دائماً .. متل مابنلتقي بناس .. بنفارق آخرين:40462.gif:

ان كان صداقات .. أو علاقات أسرية .. أو عاطفية .... أو شو ماكان


طبعاً بتختلف الأسباب وبتتنوع ..وكمان بتختلف طريقة الوداع والرحيل



في ناس لما بتنزعج من شخص بتفضل تترك كل شي وترحل بصمت .. بدون ماتناقش الطرف التاني

او حتى بدون ماتخبرو بقرار الرحيل ( يعني افهم لحالك مابدي شوف خلقتك ) !!!:44922.gif:




وفي ناس مابتقدر إلا تعاتب وتناقش تفاصيل المشكلة

وتوضح الموقف الشخصي اللي قد يكون مبهم للطرف الآخر وبعدا بيمشوا !!:61013.gif:




هلأ بجوز يكون لكل طريقة سلبيات و إيجابيات


بس ياترى شو هوي الحل الأفضل ....وليش ..؟؟



سؤالي إلكن .... كيف متعودين تمشوا ... لما بدكن تتركو حدا .. ( الله لا يبعدكن عن حبابكن ) ؟؟:45843.gif:


بتتناقشوا وبتتعاتبوا ........

ولا بتقولوا فلان مابيستحق أي نقاش و أي حكي وان شاءالله عمرينو مافهم شو القصة ؟؟


وياترى طبع الإنسان نفسو:8298.gif: ان كان صامت وكتوم .... أو منفتح وصريح ( بيلعي ) بتأثر بها المسألة ؟؟

ولا الموقف هو الحاكم الوحيد هون ؟؟:65767.gif:




:64028.gif: :64028.gif: :64028.gif:

aben alsham 03-09-2011 08:05 PM

بسم الله الرحمن الرحيم
اختي الهنوف الموضوع بيختلف حسب الموقف يعني في موقف لازم الشخص ما يلتفت ويمشي بصمت ويبعد اكتر ما فيه .
وفي مواقف لازم الانسان يعاتب ويفهم الاخر سبب الهجر وحتى يخلي للصلح مكان .
مشكورة الهنوف على الطرح يعطيكي العافية

أمير الفرات 04-09-2011 12:06 AM

السلام عليكم ورحمة الله وبركاته

مهما كان الموقف صعب لازم نعطي للتاني سبب بعدنا عنو
وبالنسبة الي اصعب شي هو لحظات الوداع والفراق حتى من ناس انا اخترت بعد عنهم وانهي علاقي فيهم
وبهيك موقف تنزل الدمعة لأبسط الكلمات(مو كل الفراق هيك)
ولحظات وداع يكون غالب عليها الحكي والآخد والرد ويوصل مرات للمناوشات بالبوكسات والكفوف
بدنا نبين شو السبب أنا ما بحب يلي يبعد دون ما يمر ويحكي السبب
هون اذا حاول يرجع ومهما كان سببو يلي خلاه يبعد صدقا ما راح استقبلو
تحياتي الك

بنت عز 04-09-2011 12:48 AM

ممممممممممم
انابصراحة من النوع اللي مابيحب يعاتب
مو لأني مابقدر واجه الشخص اللي اخطئ بحقي
لأ
لأني مابحب اعمل قيمة للشخص هاد
مشكورة هنوفة

ابداع الالم 04-09-2011 03:16 AM


ممممممممم
غالباً أنا ما بحب العتاب...
ومسالمة وبحب أبعد عن المشاكل
ممكن أنهي كل شي على حسابي ولا تصير مشكلة وهيك يمكن غلط...

بفضل المواجهة واختصار الكلام..
ووداع لا رجعة بعده

يسلمو حبيبتي
موضوع مهم كتير
رائعة أنتِ دائماً


سما الشام 04-09-2011 11:15 PM

حسب المشكلة وحسب الموقف وحسب الشخص

مع اني بفضل المواجهة بجميع الاحوال لحتى يعرف كل واحد غلطو ولو بدو يصير فراق بعدين
ربما يكون في سوء فهم.. وبالمواجهة بينصلح كلشي
بس ببعض الاحيان منواجه اشخاص الحكي معهن متل قلتو
ساعتها بفضل الفراق من دون نقاش

مشكورة هنوف عالموضوع

الهنوف 05-09-2011 02:40 AM

اقتباس:

المشاركة الأصلية كتبت بواسطة aben alsham (المشاركة 889936)
بسم الله الرحمن الرحيم

اختي الهنوف الموضوع بيختلف حسب الموقف يعني في موقف لازم الشخص ما يلتفت ويمشي بصمت ويبعد اكتر ما فيه .
وفي مواقف لازم الانسان يعاتب ويفهم الاخر سبب الهجر وحتى يخلي للصلح مكان .
مشكورة الهنوف على الطرح يعطيكي العافية

مزبوط كلامك اخي الكريم .. وفعلاً الموقف بحدد طريقة التعامل
بس كمان الشخصية نفسا بتلعب دور كبير
يعني اللي خلاني اطرح الموضوع هوي شخص
طبعو جداً كتوم ومابيحكي ولا بيواجه ولا بيفصح عن اللي جواتو
ترك زوجتو-اللي عأساس بحبا- لمجرد كلام سمعو من حدا غريب
وبدون مايصارحها حتى بالأسباب يللي اكتشف مؤخراً انو كان ظالمها

مشكور أخي ابن الشام ...
منوّر بمشاركتك ووجودك .. ياهلا فيك

الهنوف 05-09-2011 02:47 AM

اقتباس:

المشاركة الأصلية كتبت بواسطة أمير الفرات (المشاركة 890161)
السلام عليكم ورحمة الله وبركاته


مهما كان الموقف صعب لازم نعطي للتاني سبب بعدنا عنو
وبالنسبة الي اصعب شي هو لحظات الوداع والفراق حتى من ناس انا اخترت بعد عنهم وانهي علاقي فيهم
وبهيك موقف تنزل الدمعة لأبسط الكلمات(مو كل الفراق هيك)
ولحظات وداع يكون غالب عليها الحكي والآخد والرد ويوصل مرات للمناوشات بالبوكسات والكفوف
بدنا نبين شو السبب أنا ما بحب يلي يبعد دون ما يمر ويحكي السبب
هون اذا حاول يرجع ومهما كان سببو يلي خلاه يبعد صدقا ما راح استقبلو

تحياتي الك

معك حق والله يا أمير ... ابشع شي لما الشخص بيبعد بدون مايذكر شو السبب
يعني مابعرف شو ممكن يخسر لو ذكر أسبابو
وعلى فكرة كلامك مزبوط إنو هيك نوع لو حاول يرجع فبيستاهل إنو مايلاقي مين يستقبلو

(( بس شو مشان البوكسات والكفوف ؟؟؟ بربي عجبني هالأسلوب كتير )):31010.gif:

منور أخي أمير ويامية هلا فيك

الهنوف 05-09-2011 02:54 AM

اقتباس:

المشاركة الأصلية كتبت بواسطة بنت عز (المشاركة 890205)
ممممممممممم

انابصراحة من النوع اللي مابيحب يعاتب
مو لأني مابقدر واجه الشخص اللي اخطئ بحقي
لأ
لأني مابحب اعمل قيمة للشخص هاد
مشكورة هنوفة



امممممم
مزبوط بنوتة في ناس مابتستحق إنك تعمليلها قيمة
و أكبر غلط لما تعاتبيها وتشرحيلها الشي المبهم
لأنو اللي بيصير انهن حيكبروا راس ويفتكروكِ
عم تكفري عن شي غلط وبيطلع الحق معهم يابعدي

بس أحياناً بكون الوضع مختلف لما بكونوا أشخاص
غاليين علينا .. أو في بينا وبينهم عشرة ..
هون بتصور من الغلط مانعاتبهن !!

أسعدني مرورك بنوتة الغالية .. و أكيد منوّرة
تحيــــــــاتي إلك

A.M.A.L 05-09-2011 02:59 AM


******إن عاتبتو وجبتو******
من شان هيك ما بحب عاتب حدا
شكرا هنوف


الساعة الآن 05:49 PM.

Powered by vBulletin® Copyright ©2000 - 2017, Jelsoft Enterprises Ltd. , Designed & TranZ By Almuhajir
الآراء الواردة في المنتدى هي آراء الكاتب ولا تعكس بالضرورة رأي المنتدى ..... مزود الانترنت آيـة ../ 2011/